انا ماهمني حب القوافـي والبحـر والحـور "" انا جيت اكتب الآهات تشرح خافي الصـوره
ابرسم جرحي اللي له سنين بالحشـا مغمـور"" تحت حدب النحايف عايش له بارض معموره
عمرها من زمان اول وباني في حشاي قصور "" قصور شيدت بأحدث عماره مـار مهجـوره
هجرها اللي بناها والخطا في قصة المغـرور"" وزودها الزمان اللي قسى والنفس مأمـوره
بعد كانت عمار وفي فنها الطيـر والعصفـور"" توطتها محول الوقت والسور اقفت اطيـوره
وخلتها البلابل وابتعـد عنهـا حمـام السـور"" هجر حب النوافذ والرحيل المـر جـا دوره
وذبل ورد الحدايق والعذوق التمر فيهـا بـور"" وضمت كل العروق وهي بحب الغيم ماسوره
بعد كانت كما الجنه غدت مابين نـار ونـور "" غشاها وقت اغبر وامست الاحلام مكسوره
رحل عنهاالنزيل اللي نزلهاوالزمـان اسـرور"" بعد ماغروه عدوان السـلام وزاد بغـروره
وانا ماقد غلطت بحق ذاك الشخص شي مذكور"" انا كنت الوفا واهل الوفا والطيب وسـروره
لاكن هذا زمنا سار به حتـى الوفـا مكسـور"" زمن مابه صديق ولاحبيب فاحـت عطـوره
يضيم الحر ويـزود عليـه البهدلـه والجـور"" ويعيش الحر في هذا الزمن والنفس مقهوره
زمن سارت به الانذال كـل ماسـك طابـور "" يقودون الرجال اللي بوقت فـات مشهـوره
لاكن مادام هذا وقتنـا فيـه الوفـا مقبـور "" انا باعيش راعي للوفا واعيـش فـي دوره
وعسى الله يبقي الاسلام دين وللخلايـق نـور"" وتبقى مملكتنا في رخا ويعـز اخـو نـوره
